ខេត្តសៀមរាប ៖ បន្ទាប់ពីការអញ្ជើញធ្វើការទស្សនៈកិច្ច អស់រយៈពេលមួយថ្ងៃ នៅលើទឹកដីប្រវត្តិសាស្ត្រអង្គរ ឯកឧត្តម តូនីតាន់ កេងយ៉ាន់ (Tony Tan Keng Yam) និង លោកជំទាវ រួមទាំងសហការីអមដំណើរ បានអញ្ជើញ ទៅទស្សនានៅប្រាសាទអង្គរ ដែលជាដួងព្រលឹងជាតិកម្ពុជា និង ទស្សនាប្រាសាទបាយ័ន និង បានអញ្ជើញទៅទស្សនានៅអាទីហ្សង់អង្គរ ព្រមទាំងបានធ្វើការកោតសរសើរផងដែរ អំពីស្នាដៃនៃបុព្វបុរសខ្មែរ ដែលបានកសាង និង បន្សល់ទុកនូវមរតកដ៏មានតម្លៃដ៏មហាសាល រួមទាំងនូវចំណេះដឹងលើផ្នែកវប្បធម៌ចន្លាក់ដល់កូនខ្មែរជំនាន់ក្រោយទៀតផង ។
លុះនៅវេលាម៉ោង១៦ និង៣០នាទី ដំណើរនិវត្តន៍របស់ឯកឧត្តម តូនីតាន់ កេងយ៉ាន់ (Tony Tan Keng Yam) ប្រធានាធិបតីសិង្ហបុរី បានចាក់ចេញពីទឹកដីប្រវត្តិសាស្ត្រខេត្តសៀមរាប នារសៀលថ្ងៃទី ១១ ខែ មករា ឆ្នាំ២០១៧ តាមជើងយន្តហោះ ក្នុងស្រុក នៅអាកាសយានដ្ឋានអន្តរជាតិសៀមរាប ឆ្ពោះទៅកាន់រាជធានីភ្នំពេញ ប្រកបដោយសុខវត្ថិភាពខ្ពស់ ។
ក្នុងការ ជូនដំណើរនិវត្តន៍របស់ឯកឧត្តម តូនីតាន់ កេងយ៉ាន់ (Tony Tan Keng Yam) ប្រធានា ធិបតីសិង្ហបុរី និង លោកជំទាវ នៅអាកាសយានដ្ឋានអន្តរជាតិសៀមរាប រួមមានវត្តមានរបស់ឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្ត និង លោកជំទាវ រួមទាំងឯកឧត្តម លោកជំទាវ ជាសមាជិកសមាជិកាក្រុមប្រឹ ក្សាខេត្ត គណៈអភិបាលខេត្ត មេបញ្ជាការ បញ្ជាការរងយោធភូមិភាគទី៤ កងពលធំអន្តរាគមន៍លេខ២ តំបន់ប្រតិបត្តិការសឹករងសៀមរាប ស្នងការ ស្នងការងនគរបាលខេត្ត មេបញ្ជាការកងរាជអាវុធហត្ថខេត្ត និង អស់លោក លោកស្រីជាថ្នាក់ដឹកនាំមន្ទីរ អង្គភាព និង មន្ត្រីរាជការ គរុសិស្ស សិស្សានុសិស្ស និង ប្រជាពលរដ្ឋយ៉ាងច្រើនផងដែរ ៕ អត្ថបទ ម៉ី សុខារិទ្ធ
